Dusa (Jimca), 27-01-2023
Xuseyn Sheekh Cali, La-taliyaha Amniga Qaranka ee Dowladda Soomaaliya | Sawirre: Twitter
WASHINGTON – Dowladda Maraykanka ayaa sheegtay inay dileen hoggaamiye sare iyo xubno kale oo ka tirsan ururka Daacish ee Soomaaliya, kadib hawlgal ay ka fuliyeen buuraha Cal-Miskaad ee ku yaalla mamaul goboleedka Puntland ee Soomaaliya.
Warsaxaafadeed kasoo baxay Wasaaradda Difaaca ee Maraykanka ayaa lagu sheegay in Xubnaha Hawlgalkaas lagu dilay uu ku jiro Bilaal-al-Sudani oo ah, Hoggaamiyaha Daacish ee Soomaaliya.
Maraykanka ayaa sheegay in Al-Sudani ay la dhinteen Toban kale, inkastoo Maraykanku uu doonayey inuu qabto, balse ay Maleeshiyaadka la joogay Falcelis sameeyeen.
Halwgalkan ayaa Maraykanku sheegay inaanay waxba ku noqonin Ciidamada Maraykanka. Maraykanku waxay sheegeen inay Fulinta Howlgalkan ku wargeliyeen Dowladda Soomaaliya.
Haddaba jawaabta Dowladda Soomaaliya ayaa Haaruun Macruuf ka waraystay Xuseyn Sheekh Cali, La-taliyaha Amniga Qaranka ee Dowladda Soomaaliya oo uu kula kulmay Magaalada Madan Washington DC.