Wafdi uu hogaaminayo Gudoomiyaha Aqalka Sare oo gaaray magaalada Kismaayo

06-12-2018

 

Kismaayo – Gudoomiyaha Aqalka Sare ee Soomaaliya Cabdi Xaashi Cabdullaahi & Wafdi uu hoggaaminaayo ayaa goor dhaw gaaray Magaalada Kismaayo ee xarunta KMG ee Maamulka Jubbaland.

Waxaana garoonka diyaaradaha ee Magaalada Kismaayo si diiran ugu soo dhaweeyay Madaxweynaha Maamulka Jubbaland Axmed Maxamed Islaam (Axmed Madoobe) iyo xubno ka tirsan golaha wasiirada iyo baarlamaanka Maamulkaasi.

Ujeedada socdaalka Gudoomiyaha Golaha Aqalka Sare ee dalka & Wafdigiisa ayaa la xiriirta arrimaha ku aadan dadaaladii Golaha Aqalka Sare ay ka wadeen Maamul Goboledyada ee ku aadan xalinta Khilaafka dowladda Somaliya & Maamul Goboledyada ka dhex taagan.

Jubbaland waxa uu ahaa maamulkii ugu horeeyay ee beeniyay hadalka kasoo baxay guddiga aqalka sare ay u xil saareyn xalinta khilaafka maamul goboleedyada iyo dowladda dhexe ee ku aadanaa in la xaliyay khilaafkaasi. – Hiiraan Xog

Leave a Reply