Guddoomiyihii hore ee degmada Dhuusamareeb & Xubno kale oo la xirey

 

27-02-2020

 

Ciidamada Dowladda Soomaaliya ee ku sugan Magaalada Dhuusamareeb ee Caasimadda Galmudug ayaa waxaa la sheegay inay xalay xireen Guddoomiyihii hore ee degmada Dhuusamareeb ugu Magacaawnaa hoggaanka Ahlusunna,kaas oo lagu Magacaabo Axmed Walad Cabdalla.

Xilliga la xirayay ayaa wararka la helayo waxaa ay sheegayaan in isaga iyo Xubno kale ay kasoo baxeen Xerada Inji oo fariiisin weyn u ah hoggaanka Sare ee Ahlusunna ee ku biiray Maamulka Galmudug.

In kastoo aan sirasmi ah loo cadeyn sababta loo xirey Guddoomiyihii hore ee degmada Dhuusamareeb & Xubnaha la socdey ayaa hadana wararka la helayo waxaa ay sheegayaan in Madaxda Sare ee Galmudug Amar kasoo baxay lagu xadiday dhaq dhaqaaqa gelitaanka ama kasoo bixida ee Dhismaha Inji.

Hoggaanka Ahlusunna oo ka soo horjeeda Maamulka Galmudug ee Dowladu Aqoonsantahay ayaanan weli ka hadlin tallaabadaan lagu xiray xubno taageersan oo uu kamid yahay guddoomiyihi hore ee degmada Dhuusamareeb,hayeeshee waxaa uu kusoo aadayaa xilli weli uu jiro khilaafkii ka dhashay doorashadii ka dhacdey Magaalada Dhuusamareeb. – Radio Risaala

Leave a Reply