Duqeyn Diyaaradeed Oo Ka Dhacday Gobolka Mudug

 

24-08-2021

 

Wararka naga soo gaaraya Degaano katirsan Gobolka Mudug ayaa waxaa ay sheegayaan in Maanta Duqeymo Diyaaradeed ay ka dhacay Duleedka Degaanka Cammaara, halkaas oo ay ku sugnaayeen Xubno katirsan Ururka Al-Shabaab.

Duqeynta ayaa waxaa la sheegay in lala beegsaday Gaadiid Dagaal oo Al-Shabaab Saakay ku qabsadeen Weerarkii ay ku qaadeen Degaanka Cammaara, iyaga oo u waday Degaannada kale oo ay kaga sugan yihiin Koonfurta Gobolka Mudug.

War kasoo baxay Dowladda Soomaaliya ayaa waxaa lagu sheegay in Duqeyntaas lagu dilay Xubno badan oo katirsan Dagaalamayaasha Al-Shabaab, isla markaana ay aheyd mid looga jawaabayay Weerarkii Al-Shabaab ee Degaanka Cammaara.

“Duqeeyntani waxay aheyd mid lagu guuleeystay waxaan lagu dilay tiro badan oo katirsanaa Al-Shabaab,.waxay aheyd tii Sedexaad ee dhacda Labadii Bilood ee la soo dhaafay oo lagu difaacayey Dalka iyo Dadka Soomaaliyeed loogana hortagaayey Al-Shabaab, iyadoo wax Qasaaro ahna soo gaarin Dadka Rayidka ee ku nool Degaankaas,” ayaa lagu yiri War kasoo baxay Dowladda Soomaaliya.

Degaano katirsan Gobolka Mudug ayaa Bilihii la soo dhaafay waxaa ku hardamayay Ciidamada Dowladda oo ay wehlinayaan kuwa Daraawiishta Dowlad Goboleedka Gal-Mudug iyo Al-Shabaab, iyada oo Ciidamada Dowladda ay Degaano dhowr la wareegeen.

Xigasho: Radio Risaala

Leave a Reply