Xubno Katirsan Dowladda Iyo Maamul Goboleedyada Ayaa Gaaray Garoowe

 

05-07-2021

 

GAROOWE – Magaalada Garoowe ee Caasimadda Maamul Goboleedka Puntland ayaa waxaa gaaray Wafdi ay hoggaamineysay Wasiirka Caafimaadka Xukuumadda Federaalka ee Xilgaarsiinta Fowsiya Abiikar Nuur, iyagoona halkaas lagu soo dhaweeyay.

Wasiir Fowsiya Abiikar Nuur iyo Wafdi la socday oo ay qeyb ka ahaayeen Wasiirada Caafimaadka Maamul Goboleedyada iyo Xubno ktirsan Maamulka Gobolka Banaadir ayaa waxaa Garoonka Diyaaradaha Garoowe kusoo dhaweeyay Mas’uuliyiin katirsan Maamul Goboleedka Puntland.

Ujeedka Socdaalka Wafdiga ka socday Dowladda iyo Maamul Goboleedyada, iyo Goblka Banaadir ayaa waxaa uu yahay Ka-qeybgalka Shir diiradda lagu saarayo Qorshayaasha Horumarineed ee Caafimaadka Dalka, Iskaashiga Caafimaad ee Maamulada Goboleedyada Dalka oo lagu qabanayo Garoowe.

Sidoo kale inta uu socdo Shirka ayaa waxaa looga arrisan doonaa Xoojinta Wadashaqeynta ka dhexeeysa Wasaaradda Xukuumadda Federaalka iyo kuwa Caafimaadka Maamul Goboleedyada, Hay’addaha iyo Deeq-bixiyeyaasha Caafimaad.

Shirkaan lagu wado inuu ka furmo Magaalada Garoowe ayaa waxaa la filayaa in laga soo saaro War-murtiyeed, waxaana Shirkaas looga hadli doonaa Qorshayaasha Horumarineed ee Caafimaadka Dalka, Iskaashiga Caafimaad ee Maamul Goboleedyada Dalka, iyo Gobolka Banaadir.

Xigasho: Radio Dalsan

Leave a Reply