Maxkamadda Ciidamada Oo Dhageysaneysa Kiiska Ajaanib Loo Heysto Shabaabnimo

 

24-06-2021

MUQDISHO – Maxkamadda Ciidamada Qalabka Sida ee Soomaaliy ayaa Maanta dhageysan doonta Labo Eedeysane oo Ajnabi ah, kuwaas oo loo heysto kamid ahaanshaha Ururka Al-Shabaab.

Labada Eedeysane ayaa u kala dhashay Dalalka Maleesiya (Malaysia) iyo Biritan (Britain).

Labadan Eedaysane ayaa loo haystaa inay Dalka ku soo galeen Sifo Sharci-darro iyo inay ka barbar dagaaalameen Al-Shabaab, waxaana loo haystaa in Mudadii ay Soomaaliya joogeen inay gaysteen Tacadiyo iyo Gabood Falo ka dhan ah Muwaadiniin Soomaaliyeed iyo inay qayb ka noqdeen Weeraro ka dhacay Dalka Soomaaliya.

Maxkamadda Ciidamada ayaa waxaa horay ay Xukuno kala duwan ugu riday Dad isugu jira Soomaali iyo Ajaanib, kuwaas oo lagu helay inay la shaqeynayeen Al-Shabaab iyo Kooxda Daacish-ta Soomaaliya.

Xigasho: Radio Risaala

Leave a Reply