Wasiir Koowaad Rooble Baa La Kulmay Ergiga Qaramada Midoobay James Swan

 

12-06-2021

 

MUQDISHO – Wasiir Koowaadka Dowlaadda Federaalka Soomaaliya Maxamed Xuseen Rooble ayaa Maanta Kulan la qaatay Ergigaa Xoghayaha Guud ee Qaramada Midoobay u qaabilsan Arrimaha Soomaaliya James Swan.

Kulanka ayaa si weyn Diirada loogu saaray Howlaha Doorashooyinka ee socda ee Ra’isul Wasaaruhu hoggaaminayo, Dhammeystirka Guddiyada Doorashooyinka iyada oo Ra’isul Wasaaruhu sheegay in Dhankiisa ay ka go’an tahay in Waqtiga aan Dib-udhac ku iman balse ay ku xeeran yihiin Duruufo u baahan in dhammaan ay Gacan ka geystaan Dardargalintooda.

Kulanka uu Ra’isul Wasaare Rooble la qaatay Ergiga Qaramada Midoobay waxa Goobjoog ka ahaa Guddiga Farsamada Doorsashooyinka ee dhawaan uu magacaabay Ra’isul Wasaaruhu, kuwaas oo ka shaqeyn doono Arrimaha Farsamo ee mudnaanta u leh Ra’isul Wasaaraha Soomaaliya si uu habsami uga fuliyo Howlaha Doorashooyinka ee uu xilsaaran yahay.

Sidoo kale, Ra’iisal wasaare Rooble iyo James Swan ayaa ka wada hadlay sida la isaga kaashan karo Taageeridda Dadka ku waxyeeloobay Daadadka Deegaanada Hir-Shabelle oo uu Ra’isul Wasaaruhu Carrabka ku adkeeyay in ay muhiim tahay in si dhaqso ah Kaalmo lala gaaro Dadka ay Daadadka Wabiga Shabeelle ayTuulooyinka ka barakaciyeen.

Qodobada kale ee sida weyn looga hadlay waxaa kamid ahaa Amniga, Cadaaladda iyo Cudurka Koroona (Corono virus) iyo sidii loo Dardar-gelin lahaa Tallaalka Koofid-19 (Covid-19).

Xigasho: Jowhar News

Leave a Reply