Ergo Saakay Gaartay Magaalada Baladweyne Iyo Ujeedka Socdaalkooda

 

12-06-2021

 

BALADWEYNE – Magaalada Baladweyne ee Xarunta Gobolka Hiiraan waxaa Saakay gaartay Ergo uu hoggaaminayay Wasiirka Dib-uheshiisiinta iyo Dib-udejinta Dowlad Goboleedka Hirh-Shabeelle Cabdikariin Cali Nuur.

Ujeedka Wasiirka iyo Ergada la socotay, oo ay kamid ahaayeen Xubno katirsan Maamul Goboleedka Hir-Shabeelle,ayaa waxaa ay aheyd sidii ay uga Qeybgeli lahaayeen Shirarka Dib-uheshiisiinta ee loo sameynayo Beelo ku dagaalamay Duleedka Baladweyne.

Wasiir Cabdikariin Cali ayaa Kulamo gaar-gaar ah la yeelan doona Waxgaradka iyo Odayaasha Dhaqanka Beelihii dhawaan ku dagaalamay Deegaano hoostega Baladweyne, kuwaasi oo Heshiis hordhac gaaray, isla markaana uu haatan u furan yahay Shir Dib-uheshiisiineed.

Sidoo kale, Wasiirka Dib-uheshiisiinta iyo Dib-udejinta Hirh-Shabeelle iyo Ergada la socotaba ayaa u sii gudbi doona Degmada Matabaan ee Gobolka Hiiran oo uu ka socdo Shirka Dib-uheshiisiinta Beelo Walaalo ah oo ku dagaalamay halkaas.

Shirarka Dib-uheshiisiinta loogu sameynayo Beelaha ku dagaalamay Deegaano hoostega Baladweyne iyo Matabaan ayaa waxaa ka-qeybgalaya Mas’uuliyiin katirsan Dowladda Federaalka, Dowlad Goboleedka Hir-Shabeelle iyo Waxgarad, waxaana Dagaaladii dhacay ay salka ku hayeen Muran Dhuleed iyo Aano-qabiil.

Xigasho: Radio Dalsan

Leave a Reply