Guddiga Uu Magacaabay Ra’isul Wasaare Rooble Oo Yeeshay Kulankii Ugu Horreeyey

 

09-06-2021

 

Guddiga Farsamada Doorashooyinka ee uu magacaabay Ra’isul Wasaare Maxamed Xuseen Rooble ayaa Maanta oo Arbaca yeeshay Kulankii ugu horreeyey, waxayna uga hadleen Qorshe Howleedka horyaalla ee loo igmaday.

Sidoo kale waxa ay Diiradda ku saareen Xubnaha Guddigu, Kulankooda Arimaha Farsamo ee Mudnaanta u leh Ra’iisul Wasaaraha Soomaaliya si uu habsami ugu fuliyo Howlaha Doorashooyinka ee uu xilsaaran yahay.

Sidoo kale Guddigaan oo ka koobay illaa Todobo Xubnood ayaa waxa ay Ra’iisul Wasaaraha ka taageeri doonaan Arrimaha soo socdo:

1) In qodobadii Heshiiska lagu gaaray Shirkii Golaha Wadatashiga Qaranka 27ka May 2021 loo fuliyo si habsami ah.

2) Xiriirinta dhamaan Hayadaha ku shaqada leh Arrimaha Doorashooyinka si loo hagaajiyo habsami u xiriirka Hayadaha wada shaqeynaayo.

Si kastaba, Guddigan uu Ra’iisul Wasaaruhu magacaabay waxa ay Shaqadoodu ku kooban tahay in ay farsamo ahaan gacansiiyaan Guddiyadaas kor ku xusan si Howlaha Doorashada ugu qabtaan si daahfuran oo madaxbannaan.

Xigasho: Radio Shabelle

Leave a Reply