Madaxweynehii Hore Ee Soomaaliya Xasan Sheekh “Banaabaxa Waa Mid Looga Soo Horjeedo Madaxweynaha Muddo Xileedkiisa …”

 

03-03-2021

 

Muqdisho – Madaxweynihii hore ee Soomaaliya Xasan Sheekh Maxamuud ayaa sheegay inay muhiim tahay in la dhaqan-geliyo waxyaabihii ay ku heshiiyeen Xukuumadda Soomaaliya, sida Gudiyada banaanbaxa loo xilsaaray iyo kuwa dhacdadii 19-kii Febaraayo.

Waxaa uu hadalkiisa uu intaasi ku daray Xasan Sheekh in aysan jirin dad ay dowladda soo abaabushay oo loogu talo galay inay Banaanbaxaas ka qeyb-galaan hadii ay tagaana ay carqalad u arkaan.

Xasan Sheekh wuxuu sheegay in Banaanbaxa Midowga Musharixiinta ku dhawaaqeen inuu qabsoomo Maalinta Sabtida ah uu yahay midkii ka baaqday 19-kii Bishii Febaraayo, isaga oo ku adkeestay in Banaanbaxaas uu qabsoomayo.

Ugu dambeyn Madaxweynihii hore ee Soomaaliya Xasan Sheekh Maxamuud waxaa uu sheegay in hadii qof walba uu codkiisa ku cabiri waayo aysan jirin Dowladnimo iyo Bani’aadanimo.

Dhanka kale hadalka Madaxweynihii hore ee Soomaaliya Xasan Sheekh Maxamuud ayaa imaanaya xilli Midowga Musharixiinta ay u diyaar garoobayaan Maalinta Sabtida ah ee todobaadkan in Taalada Daljirka Daahsoin inay ku qabtaan Banaanbax ay uga soo horjeedaan Madaxweynaha Muddo Xileedkiisa uu Dhamaaday ee Farmaajo.

Xigasho: Somali Weyn News

Leave a Reply