Golaha Guurtida Jamhuuriyadda Somaliland Ayaa Dood Ka Yeeshay Xaaladda Guud Ee Dalka

 

28/02/2021

 

Hargeysa (SOLNA) – Golaha Guurtida Jamhuuriyadda Somaliland ayaa dood ka yeeshay Xaaladda Guud ee Dalka, kaas oo kamid ahaa Qodobada Ajandaha Kal-fadhigooda 74aad oo ay golahaasi falan-qayntiisa ku jiraan.

Fadhigaas oo u shirgudoomiyaayay Gudoomiyha Golahaas Saleebaan Maxamuud Aadan ayay Xildhibaanadii doodaas ka qayb-qaadanaayay sheegeen in Xaaladda Guud ee Nabadgelyada Somaliland ay fiican tahay, loona baahan yahay in Shacabku sii xaaojiyaan la shaqaynta Laamaha Amaanka ee Dalka,.

Dhinaca kale Mudanayaasha Golaha waxay ka doodeen Dhibaatada ay Qabyaaladu ku yeelan karto horumarka dalka, waxaanay guud ahaan Shacabka Somaliland u soo jeediyeen inay ka dheeraadaan Adeegsiga Qabyaalada, maadaama oo uu dalku galay Xaalad Doorasho, lana rabo in la soo doorto Goleyaal ka shaqeeya Horumarka iyo Samaynta Shuruuc Qaranka wax tar u yeelata.

Ugu dambayn Xildhibaanada Golaha Guurtidu Jamhuuriyadda Somaliland waxay bogaadiyeen Hawl-galo ay dhawaan sameeyeen Ciidanka Laanta Socdaalka Somaliland, kuwaas oo ka dhan ahaa dadka dalka ku jooga sifada Sharci Darada ah, oo ay ku sameeyeen Baadhitaano iyo Hubin sifaha ay dalka ku joogaan.

Leave a Reply