Midowga Musharixiinta “Madaxweyne Farmaajo Waa Inuu Talada Ku Wareejiyaa Gole Qaran Oo KMG Ah”

 

25-02-2021

 

Qoraal ay Midowga Musharixiinta u gudbiyeen Beesha Caalamka ayey ku dalbadeen qoddobo dhowr ah oo ka dhan ah Madaxweynaha Dowladda Soomaaliya iyo Doorashooyinka Dalka.

Sidoo kale Qoraalka ayey ku dalbadeen in Baaritaan Madax-bannaan lagu sameeyo Dhacdadii 19kii Bishan ka dhacday Magaalada Muqdisho oo Ciidamada Dowladdu Isku Hortaageen Dibadbax ay doonayeen Mucaaradku in ay ka dhigaan Fagaaraha Daljirka Dahsoon.

Sidoo kale waxaa ay dalbadeen in Madaxweynaha Dowladda Soomaaliya awooda ama talada dalka ku wareejiyo Gole Qaran iyo waliba in Midowga Musharixiinta qeyb ka noqdaan Wada-hadallada la xiriira Doorashooyinka dalka.

Sidoo kale waxaa ku jira Dalabka Midowga Musharixiinta in ay gabi ahaanba iscasilaan Taliyayaasha Militariga, Booliiska iyo Nabad Sugida madaama ay ku lug lahaayeen weerarkii Midowga Musharixiinta ee Jimcihii toddobaadkii hore dhacay.

 

 

 

 

Xigasho: Hiran Online News

Leave a Reply