Dowlada Soomaaliya Oo Ku Gacan Seyrtey Go’aan Ka Soo Baxay Guddiga Xaqiiqo Raadinta IGAD

 

27-01-2021

 

Dowladda Federaalka Soomaaliya ayaa ku gacan seyrtey warbixin uu soo saaray guddigii xaqiiqo raadinta IGAD ee dhawaan loo saaray Dacwaddii Dowladda Soomaaliya ka gudbisay Dowladda Kenya.

Wasiirka Warfaafinta Soomaaliya Cusmaan Dubbe oo shir jaraa’id ku qabtay Magaalada Muqdisho ayaa ku eedeeyay guddigaas inuusan dhex dhexaad ka noqon arrimaha labada dal, isla markaana uu qaatay warbixinta hal dhinac oo Kenya ah.

“Guddiga IGAD ee loo xilsaaray xaqiiqo raadinta Dacwadii Soomaaliya ka gudbisay Kenya wuxuu soo saaray warbixin lala yaabo oo u janjeerta hal dhinac,” ayuu yiri Wasiirka Warfaafinta Soomaaliya.

Guddiga ayaa sheegay in xuduuda labada dal aysan ku soo arkin wax cadeynaya sheegashada Soomaaliya ee ah in Kenya ay abaabuleyso Jabhad weerarro ka fulisa Gudaha Soomaaliya, iyagoo sheegay iney xaqiijiyeen in Cabdirashiid iyo ciidamadiisa ay katirsan yihiin Ciidamada Jubbaland.

Warbixintan uu soo saaray guddigan ayaa ku soo beegmaya xilli labo maalmood kahor uu iskahorimaad hubeysan ku dhex maray Magaalada Beled Xaawo ciidamo daacad u ah Dowlada Federalka iyo Ciidamada Dowlad Goboleedka Jubbaland ee Soomaaliya.

Xigasho: Jowhar News

Leave a Reply