Dad Ka Careysan Dilkii Dhagajuun Oo Dibad-Bax Dhigay

21-01-2021

Magaalada Muqdisho waxaa maanta ka dhacay dibad-bax looga soo horjeeday Dilka Guddoomiyihii Degmada Hodan, Marxuum Cabdixakiin Dhagajuun.

Dibad-baxa oo ahaa mid ballaaran ayaa ka dhacay Isgoyska Tarabuunka ee Magaalada Muqdisho, kaas oo ay dhigeen dhalinyaro iyo haween ka careysnaa dilka marxuumka.

Sidoo kale dibad-baxayaasha ayaa ugu baaqay Dowladda Soomaaliya inay cadaaladda horkeento askartii ka dambeysay Dilka Guddoomiyihii degmada Hodan.

AUN guddoomiye Cabdixakiin Cabdiraxmaan Ciise (Dhagajuun) ayaa ku dhintay is-rasaaseyn xalay dhex-martay ciidamo ku sugnaa Isgoyska Howl Wadaag iyo ilaaladiisa.

Xigasho: Radio Shabelle