Ra’iisal Wasaare Rooble “Waa In Deg-Deg Loo Soo Qabtaan Dadkii Ka Danbeeyay Dilka Saraakiisha”

 

16-12-2020

 

DHUUSA-MAREEB – Ra’iisal Wasaaraha Xukuumadda Soomaaliya Maxamed Xusseen Rooble ayaa isaga oo ku sugan Magaalada Dhuusa-Mareeb ee Gobolka Galguduud amar ku bixiyay in deg-deg loo soo qabto dadkii ka danbeeyay dilka saraakiishii dhawaan lagu laayay waddada isku xirta Degmooyinka Guri-ceel iyo Ballanbale.

Ra’iisal Wasaaraha ayaa sheegay in dadka falkaasi ka danbeeyay ahaayeen kuwo arxan -laawayaal ah, isaga oo amaray Laamaha Nabad-galyada Galmudug in ay deg deg u soo qabtaan si sharciga loo horkeeno.

War hor dhac ah oo ay soo saareen guddi ay dhawaan Galmudug baaritaanka arintan u saartay waxaa ay ku sheegeen in ay qabteen dad lagu tuhusan yahay in ay ku lug lahaayeen weerarka lagu dilay saraakiisha, balse wali baaritaan lagu hayo.

Sababta toogashada saraakiisha ayaa lagu sheegay in ay la xiriirto Aano Qabiil, hasse ahaatee waxaa arintaa ka hor yimid Taliska Ciidanka Militariga oo mas’uuliyada weerarkaa dusha uga tuuray wax ay ugu yeereen argagixisada. – HOL News

Leave a Reply