Musharaxiinta Madaxweynaha Soomaaliya Oo Fariin Culus U Diray Farmaajo Iyo Rooble

 

10-11-2020

 

Muqdisho – Musharaxiinta Xilka Madaxweynaha Jamhuuriyada Federaalka Soomaaliya ayaa War Cusub kasoo saaray Doorashada Madaxweynaha Jamhuuriyadda Soomaaliya oo lagu heshiiyay in waqtigii loogu tala-galay ay ku dhacdo.

Qoraal kasoo baxay Musharaxiin dhowr ah ayaa waxa ay ku qaadaceen inay ka qeyb galaan doorasho ay ugu yeereen inay tahay boob iyo ku shubasho oo ay maamulayaan Guddi ay ku tilmaameen Shaqaale Dowladeed iyo Saraakiil Ciidan oo katirsan NISA.

Musharaxiinta qoraalka soo saaray ayaa waxaa kamid ah Madaxweyneyaashii Hore ee Soomaaliya Sheekh Shariif Sh Axmed, Xasan Sheekh Maxamuud iyo Ra’iisul Wasaarihii hore Xasan Cali Kheyre iyo Musharaxiin kale.

Sidoo kale Musharxiinta ayaa Madaxweyne Maxamed Cabdullaahi Farmaajo iyo Ra’iisul Wasaare Rooble ka dalbaday inay si deg deg ah Guddiyada Doorashada uga saaran xubno ay ku sheegeen inay katirsan Hay’adda NISA iyo Shaqaalaha Dowladda.

Madasha Xisbiyada Qaran oo soo saaray Qoraal ayay ku Cambaareeyeen Guddiyada Doorashada Heer Federaal, iyagoona sheegay in xubnaha Guddiga ay katirsan yihiin Hay’addaha NISA iyo Shaqaalaha Dowladda Federaalka, taasina ay baalmarsan tahay Shuruucda u yaalla dalka.

Hoos Ka Akhriso Qoraalka Musharxiinta Ay Soo Saareen.

 

Xigasho: Radio Dalsan

Leave a Reply