Wafdi Ballaaran Oo Maanta Gaaray Magaalada Hobyo

 

09-11-2020

 

Safiirka Dowladda Talyaaniga ee Soomaaliya Alberto Vecchi iyo mas’uuliyiin kale ayaa maanta gaaray Magaalo Xeebeedka Hobyo ee Gobolka Mudug, iyada oo si weyn halkaasi loogu soo dhaweeyay.

Wafdigaasi waxaa hoggaaminaya Wasiirka Dakadaha Galmudug Cabdi Saabir Nuur Shuuriye, waxayna halkaasi u tageen dhagax dhigidda dhismaha Daked Macmal ah oo ay hirgalin doonto Hay,adda WFP.

Wasiirka Dekedaha Galmudug Cabdi Saabir Nuur Shuuriye ayaa dhawaan Magaalada London ee dalka Ingiriiska ku saxiixey heshiis lagu dhisayo Dakadda Hobyo.

Ujeedada Dakaddaan Macmalka ayaa ah suurta galinta in qalabka lagu dhisayo Dakadda Hobyo laga soo dajiyo marka laga reebo inay ka faa’idaystaan ganacsatada Galmudug.

Maamulka Galmudug ayaa ku howlan Hirgalinta Mashruuca Dhismaha Dakedda Magaalada Hobyo, oo la filayo haddii uu taabbo galo inuu qayb libaax ka qaadan doono Horumarka Dhaqaale iyo Bulsho ee Galmudug iyo guud ahaan Goballada Dhexe ee dalka. – Radio Shabelle

Leave a Reply