Cali Guray Oo Shaaciyey Sababta Ra’iisal Wasaare Xigeenkii Hore Ee Soomaaliya Maxamed Cumar Carte Loogu Ogaaladey Inuu Yimaado Hargeysa

 

24/10/2020

 

Hargeysa – Siyaasi Cali Guray ayaa ka hadlay sababta Dalka Somaliland inuu yimaado loogu ogolaan karo Ra’iisal Wasaare Xigeenkii Hore ee Soomaaliya Maxamed Cumar Carte ahna Xildhibaan katirsan Baarlamaanka soomaaliya oo la sheegay in uu Cafis soo waydiistay Xukuumada Somaliland.

Siyaasi Cali Guray ayaa sheegay in sababta loogu ogolaaday ay tahay Aabihii Cumar Carte oo aad ugu xanuunsanaya Hargeysa islamarkaana ay tahay ogolaashihiisu mid Bini Aadamnimo.

Siyaasi Cali Guray ayaa qoraal uu arintan kaga hadlayo ku baahiyay barta uu ku leeyahay Xidhiidhka Bulshada ee Facebook-ga, wuxuna udhignaa Sidan;

Sababta loogu Ogolaaday Maxamed Cumar Carte Hargeysa waxan filayaa in ay tahay odaygii aabihii ahaa oo loogu qaylo diray oo loo sheegay in aanay kana bixin kuna jirin. Taasi ma siyaasad bay noqonaysaa mise sabab bini aadminimo? Kee baase mudan siyaasadda iyo bini aadminimada. Kolay aniga xagayga waxa mudan bini aadminimada balse way jiri karaan dad ay siyaasaddu kala mudan tahay dadninada iyo xataa malaha diinta islaamka. Iyagana waa garashadooda. Xataa dhinaca diinta in loo diido in aabihii oo sakaraad ah dul yimaado iyo in loo ogolaado waxa sax ah in loo ogolaado; dadnimo ahaan, diin ahaan iyo dhaqan ahaanba. Balse qofka intaaba aan midna xeerinayn badda ha ku dhacdo haduu doonayo. Waxa uu sheegi karo ayaaba iska yare. Hadda kuma jiraan kuwa aan sheegayo caruurta dhalatay 90s-kii ee aan iyagu wax badan ogayn ee siyaasaddu ay sida xagarka ku go’an tahay. Kuwaa iyagu dembi ma laha wax lagula yaabi karaana maba jirto aniga xagayga.

Xigasho: Qaran News

Leave a Reply